قصيدة ولسه عايش
حياتنا فرصه يا تصيب يا تخيب يا تبقا نكسه .. حاول تفكر استفادت لو مش هتنسي
هاتغير ايه ف الواقع مش ف ايدك شئ يغير .. ابعد عن تعبك العن كل شئ لو كان يحير
واالقصه كانت واضحه جدا لما قولت عنها .. اتكررت لاكن مش كل حد اتأثر منها
اتنين اخوات ف لحظه فرقتهم الحياه .. ظروف كتير خلتهم كل يوم يزيدو معاناه
الاول قرر انه يبدأ من اول وجديد .. بدأ يرجع لحاالو وقاوم حاول كان عنيد
رفض يستني لبكره شاف ف كل حته شغل .. واخيرا بعد تعب لقي شغلانه حلوه ف محل
اشتغل كل يوم ورغم يأسو كان بيقاوم .. ومكانش بيكتئب كان عارف انه نصيبو وفاهم
حاول كتير لاكن بالرغم من صعوبة نجاحو .. رضا ربه عنو خلاه يفتحلو الحظ بمفتاحو
واخيرا اتجوز وكون نفسو وعمل بيت .. وبقا شخص ناجح لما قاوم لما كان عنيد
وقف ف وش المستحيل ف مقابل الاحتمال .. فهم حياتو ورضي عن نفسو ف جميع الاحوال
لقي شغله حلو ومنها فلوس تفيدو لاخر عمرو .. ونتيجة تعبو كانت نجاح بعد اما زاد ف صبرو
ربك مبيضيعش حق حد كان بيتعب .. فا كل لحظه يأس فيها السهل كان بيصعب
لما انت لسه عايش ... ايه الي يجبرك تستني
اعمل ما ف وسعك وارضي وعيش ف كل لحظه اتمني! .. شوف الي يكسر فيك واكسره انت وابني نفسك
الدنيا حرب لو مغلبتش كلو هيمحي شكلك .. معني الخساره يعني هاتكسب واكتر تستعد
الفشل بدايه النجاح لاكن الظلم ده مستبد .. بس مش مشكله كل حاجه وليها حلولها
بس لازم تعرف معني الرضا و الفرحه من اصولها .. واليأس بان ف عين التاني من لحظتها االاولي
ليه بيحااول يبني ف حياتو من ببان مقفوله .. مستني دايما ويقول بكره احلي من االنهارده
والحظ مكانش لصالحو مفاقش وبرضو الوقت عدي .. ماشي ف طريقو عكسي بيجري ف مستفادش حاجه
بيرجع كل لحظه وييأس كل يوم زياده .. الحب خانو وظلم نفسو لنفسو دمر فيه
بني نفسو من اوهام ضاع والدنيا جات عليه .. محاولش حتي يجدد كان دايما واقف مكانو
وعشان حياتو غلط الحظ ف النهايه خانو .. ونهايتو كانت انو خسر كل حاجه مكسبش
مات من غير حاجه عدله ف عمرو لانو اصلا مشافش .. حياتنا صعبه بس يأسك من قدرها اصعب
عشان تعيش لازم تعافر كل شئ وتتعب .. عشان نختار مصير حياتنا لازم نرضي بقدرنا
وعشان نعيش كويسين فا ده بعد ما احنا صبرنا
ليست هناك تعليقات