فين الدموع

كتبتها أ- مروة مجدي
عارفين لما البكا يخاف يطلع بصوت مسموع؟
واما الفقير يموته خوفه وبعدها يموت م الجوع؟
لما يكون ف الوحدة امان وحنان ولو موجوع
تخاف من ايد تتمدلك عشانك قبلها ملسوع
وبإيد احب احن اغلى الناس الوجع مطبوع
خايف يسمعك بني آدم يجيك ... مفجوع
يسألك مالك وليه صوتك بالبكا مرفوع
إنسان يإلمك أو يخجلك حبه وف السؤال موضوع
طبطب بإيدك على كتفك ولا ترضى ف يوم بخضوع
وانفض الذل عن توبك وارسم بطل مرفوع
وامسح ضعفك واقف وقول فين الدموع...