لولا حب الناس

كتبها أ.مروة مجدي
لولا حبة ناس حواليا كنت قلت الدنيا غابة
قاتلنا اليأس فيها والملل وايا الرتابة
والمظلوم زي اللي ظالم بيقولوا عليهم غلابة
بس الحق انا شفت حقة حبة ناس خلوني حابة
اقولكم في قلوب لسه صافية..أكرمنا بانها متسابة
وسط دنيا دنية واطية .. غدارة واكيد قلابة
عشان تهون عالروح وتقوي قلوب للمر شاربة
وﻷني ليكم هنا انا حابة.. اقولكم يا أغلى صحبة
قلبي ليكم ماليان معزة و تقدير وف الله محبة